"Фейеноорд" ҳимоячиси Тирелл Маласиа тез орада "Манчестер Юнайтед"га ўтади, дея хабар беради журналист Фабрицио Романо.
Манба берган хабарга кўра, 22 ёшли нидерландиялик билан келишув 2026 йилнинг ёзига қадар тузилади ва инглиз клуби футболчи учун 15 миллион евро ҳамда бонус сифатида 2 миллион евро тўлайди. Футболчи трансфердан олдин тиббий кўрикдан ўтган.
2021/22 йилги мавсумда Маласиа "Фейеноорд" сафида 50 та ўйинда майдонга тушиб, 1 та гол урди ва 5 та голли узатмани амалга оширди. Transfermarkt.com портали ҳимоячининг нархини 17 миллион еврога баҳоламоқда.
