"Челси" вингери Хаким Зиешни сотишга тайёр. Инсайдер Фабрицио Романонинг сўзларига кўра, "кўклар" бош мураббийи Томас Тухель футболчини ўз жамоасида сақлаб қолмайди.
29 ёшли марокашлик футболчига асосий давогар "Милан" ҳисобланади. Яқин орада клублар футболчининг трансфери бўйича янги музокаралар олиб боришади.
Аввалроқ, миланликлар ижара учун 5 миллион евро тўлашга тайёр экани хабар қилинганди.
2021/22 йилги мавсумда қанот ҳужумчиси барча мусобақаларда 44 та ўйинда 8 та гол урди ва 6 та голли узатмани амалга оширди.
