“Ювентус” клуби “Ливерпуль” ҳужумчиси Роберто Фирминони ҳамёнбоп нархда сотиб олишига ишонмоқда, деб хабар беради The Mirror.
Манба берган хабарга кўра, Италия клуби раҳбарларининг оптимизми аввалроқ "Ливерпуль" ҳужумчиси Муҳаммад Салоҳнинг "қизиллар" билан янги шартнома имзолагани билан боғлиқ.
Кўринишидан, Юрген Клопп мураббийлар штаби келаси мавсум Салоҳ - Дарвин Нуньес - Луис Диас триосига ишонади. Бу ҳолатда 30 ёшли Фирмино захира ўйинчиси бўлади.
Бу вазият 30 ёшли бразилияликга тўғри келмайди. У ўйин амалиёти йўқлиги сабабли терма жамоага чақирилмаслиги мумкин. Қатарда бўлиб ўтадиган ЖЧ-2022 олдидан эса Фирмино мунтазам ўйин амалиётига эга бўлмоқчи. Шу муносабат билан "Ювентус" бразилиялик футболчининг трансферига ишонмоқда.
"Ювентус" Фирмино учун "Ливерпуль"га 25 миллион евро таклиф қилиши кутилмоқда.
Бразилиялик футболчи фаолияти давомида “қизиллар” сафида 327 та ўйинда майдонга тушган. Уларда у 98 та гол урди ва 74 та голли узатмани амалга оширди.