"Лидс" ушбу ёзда "Лейпциг" ярим ҳимоячиси Тайлер Адамсни Калвин Филлипснинг ўрнига қўлга киритмоқчи. Филлипс тез орада "Манчестер Сити"га ўтади.
Инсайдер Фабрицио Романонинг сўзларига кўра, ингилиз жамоаси бош мураббийи Жесси Марш Адамснинг ўйинидан жуда мамнун. Улар ўтган мавсумда "Лейпциг"да бирга ишлашган. Ҳозирда клублар музокаралар олиб бормоқда.
Футболчининг трансфер нархи 17 миллион еврони ташкил қилади. У 2019 йилда "Нью-Йорк РБ"дан 4,5 миллион евро эвазига "Лейпциг"га ўтган эди. Тайлер Адамс ўз мамлакати терма жамоаси сафида 19 та ўйин ўтказган.
