"Манчестер Юнайтед" ҳужумчиси Криштиану Роналду бугун, 4 июль куни жамоанинг 2022/23 йилги мавсумдаги илк машғулотини ўтказиб юборади.
37 ёшли футболчи оилавий сабабларга кўра машғулотларга кела олмаслигини айтган.
Малум бўлишича, футболчи клубнинг трансфер ишларидан норози бўлгани учун "Манчестер Юнайтед"ни тарк этиши мумкин.
Роналду 2021 йил август ойи охирида "Манчестер Юнайтед"га қайтди. 2021/22 йилги мавсумда у жамоа сафида барча мусобақаларда 38 та ўйинда 24 та гол урди ва 3 та голли узатмани амалга оширди. Ҳужумчининг клуб билан шартномаси 2023 йилнинг 30 июнига қадар амал қилади.
