"Тоттенхэм"нинг янги футболчиси Ришарлисон жамоанинг 2022/23 йилги мавсумдаги илк расмий ўйинини ўтказиб юборади.
Англия футбол ассоциацияси 25 ёшли бразилияликни бир ўйинга дисквалификация қилди.
Англия чемпионатининг 35-туридан ўрин олган “Эвертон” – “Челси” (1:0) учрашуви вақтида мухлислар Ришарлисоннинг голидан сўнг майдонга пиротехника маҳсулотларини улоқтиришди. Форвард қўлига тутунли бомбалардан бирини олиб, яна мухлисларга ташлади.
Ҳужумчи дисквалификациядан ташқари, ноъмақбул хатти-ҳаракати учун 25 000 фунт стерлинг миқдорида жаримага тортилди.
Ришарлисон 1 июль куни 58 миллион евро эвазига "Эвертон"дан "Тоттенхем"га ўтган эди.
"Тоттенхэм"нинг 2022/23 йилги мавсумдаги илк ўйини 6 август куни бўлиб ўтади - шу куни "шпорлар" АПЛ 1-тури доирасида ўз майдонида "Саутгемптон"ни қабул қилади.