Aspire Zone Foundationнинг араб сармоядорлари унча катта бўлмаган пулга Бельгиянинг иккинчи дивизиони иштирокчиси "Эупен" клубини сотиб олдилар, дея хабар беради француз матбуоти.
Aspire Zone Foundation директори Иван Бравонинг айтишича, яқин кунларда бу клуб ёш қатарлик футболчилар учун база бўлади. Ташкилотнинг Қатарда қурулган академиялардан ёш футболчилар ушбу клубга юборилади.
Шундай қилиб, ёш қатарлик футболчилар Европа футболи ҳавосидан нафас олиши мумкин ва уларга 2022 йил бўлиб ўтадиган Жаҳон чемпионатида муносиб иштирок этиши учун қўл келади.
"Эупен"га қатарлик ўсмирлардан ташқари сенегаллик ўсмирлар ҳам юборилади, Aspire Zone Foundation Сенегалда ҳам академия очган.