Ярим ҳимоячи Федерико Бернардески "Торонто"дан таклиф олди. МЛС клуби 28 ёшли италиялик билан 4 йиллик шартнома тузишга тайёр, дея хабар беради журналист Николо Скира.
Бернардески "Ювентус"да 2017 йилнинг июлидан бери ҳаракат қилаётган эди, футболчи 30 июнь куни Турин клубини текинга тарк этган.
Ўтган мавсумда у 35 та ўйинда 2 та гол урди ва 6 та голли узатмани амалга оширди.
Аввалроқ, Канада клуби Италия терма жамоасида тўп сурган яна икки футболчи - ҳимоячи Доменико Кришито ва ҳужумчи Лоренцо Инсинье билан шартнома имзолаганди.
