"Аякс" "Тоттенхем"дан ҳужумчи Стивен Бергвейнни сотиб олганини эълон қилди.
Амстердам клуби расмий сайти хабарига кўра, 24 ёшли нидерландиялик билан шартнома 2027 йилнинг 30 июнига қадар амал қилади.
"Аякс" ҳужумчи учун 31,25 миллион евро тўлаган.
Эслатиб ўтамиз, Бергвейн 2009 йилдан 2011 йилгача Амстердам тизимида бўлган, кейин эса ПСВга ўтган.
Ўтган мавсумда у Лондон клуби сафида барча мусобақаларда 32 та ўйинда майдонга тушиб, 4 та гол урди ва 2 та голли узатмани амалга оширди.