"Бавария"нинг ҳужумкор ярим ҳимоячиси Томас Мюллер мана шу ёздаёқ Германияни тарк этиши мумкин. Футболчи билан Миланнинг "Интер" клуби қизиқиб қолган ва у жамоасида кам майдонга тушаётгани туфайли бу таклифни жиддий кўриб чиқиши мумкин.

"Менинг "Бавария"даги бугунги ҳолатимдан келиб чиқсам, "Интер"нинг таклифи мен учун қизиқарли", - деди Мюллер Bild га берган интервбюсида, - "жуда кўп муҳим ўйинларда асосий таркибдан жой олмаяпман ва бу мени хавотирга солмоқда. Лекин ҳозир бу ҳақида ўйлашга бироз эрта, бутун ўй хаёлим Европа чемпионати билан боғлиқ"