Мюнхеннинг “Бавария” клуби “Ювентус” ҳимоячиси Маттейс де Лигтнинг трансфери устида ишламоқда.
Германия чемпиони Нидерландия терма жамоаси футболчиси билан 2027 йилгача шартнома имзолашни режалаштирмоқда, деб хабар беради Sky Deutschland журналисти Флориан Плеттенберг. Томонлар аллақачон трансфер бўйича оғзаки келишувга эга.
Ҳозирда "Бавария" биринчи расмий трансфер таклифини тайёрламоқда.
22 ёшли футболчининг ўрнига "бьянконерилар" "Наполи" ҳимоячиси Калиду Кулибалини сотиб олишни режалаштирмоқда.
Маттейс ўтган мавсумда “Ювентус” сафида 42 та ўйинда майдонга тушиб, 3 та гол урган.
