Ҳужумчи Дрис Мертенс фаолиятини Бельгия чемпионатида давом эттириши мумкин, дея хабар беради журналист Николо Скира.
Манбага кўра, "Антверпен" ўзини 35 ёшли бельгиялик футболчига асосий даъвогар деб ҳисобламоқда. Бельгия клуби футболчини эркин агент сифатида ўз сафига қўшиб олмоқчи. Клуб унга икки йиллик шартнома таклиф қилмоқда.
Олдинроқ "Марсель" Мертенсга даъво қилгани хабар қилинганди.
Мертенс ўтган мавсумда "Наполи" сафида барча турнирларда 37 та ўйинда майдонга тушиб, 13 та гол урди ва 2 та голга ассистентлик қилди.
