"Манчестер Юнайтед"нинг собиқ ярим ҳимоячиси Поль Погба "Ювентус"га ўтишдан олдин тиббий кўрикдан ўтган, дея хабар беради журналист Жанлука Ди Марцио.
Манба берган хабарга кўра, тиббий кўрикдан ўтган 29 ёшли франциялик футболчи Турин клуби билан бугун шартнома имзолайди.
Эслатиб ўтамиз, ярим ҳимоячи 2012 йилдан 2016 йилгача "Ювентус"да ўйнаган.
Погба ўтган мавсумда “Манчестер Юнайтед” сафида барча турнирларда 27 та ўйинда майдонга тушиб, 1 та гол урди ва 9 та голли узатмани амалга оширди. У 2022 йилнинг 30 июнида эркин агент сифатида клубни тарк этди.
