"Рома" бош мураббийи Жозе Моуриньо "Кристал Пэлас" ярим ҳимоячиси Уилфрид Захани ёзда жамоага қўшмоқчи, деб хабар беради GOAL.
Манбага кўра, итальян клуби Захани сотиб олишдан олдин бир нечта ўйинчини сотиши керак бўлади.
Аввалроқ, 29 ёшли ярим ҳимоячининг агенти "Рома" билан музокара ўтказгани ҳақида хабар берилганди.
Заханинг "Кристал Пелас" билан амалдаги шартномаси 2023 йилгача мўлжалланган. Transfermarkt портали ивуарлик футболчининг нархини 38 миллион еврога баҳоламоқда.
Ўтган мавсумда Заха барча мусобақаларда 37 та ўйинда майдонга тушиб, 15 та гол урди ва 2 та голга ассистентликни амалга оширган.
