"Манчестер Юнайтед" ҳужумчиси Криштиану Роналду фаолиятини "ПСЖ"да давом эттириши мумкин, дея хабар бермоқда журналист Педро Алмейда ўзининг Twitter саҳифасида.
Манбага кўра, Франция клуби футбол маслаҳатчиси Луис Кампос Роналдунинг агенти Жорже Мендез билан эҳтимолий трансфер борасида музокаралар олиб бормоқда.
Олдинроқ Роналду жамоа билан Таиландга мавсумолди турнега учмаслиги маълум бўлганди. Шунингдек, португалиялик ҳужумчи “Манчестер Юнайтед”нинг бир нечта машғулотларни ўтказиб юборди.
Роналду “Манчестер Юнайтед”да 2021 йилдан буён тўп тепади. Унинг клуб билан шартномаси 2023 йилгача мўлжалланган. Криштиану ўтган мавсумда барча турнирларда 38 та ўйинда майдонга тушиб, 24 та гол ва 3 та голли узатмага муаллифлик қилган.