"Манчестер Сити" "Лейпциг" ҳимоячиси Йошко Гвардиолни Натан Аке ўрнига номзод сифатида кўриб чиқмоқда, деб ёзмоқда журналист Фабрицио Романо ўз твиттерида.
Аввалроқ, "Челси" Аке билан шахсий шартнома шартларини келишиб олгани ва 27 ёшли нидерландиялик футболчини сотиб олмоқчилиги маълум бўлганди.
Ўз навбатида, "Лейпциг" раҳбарияти Гвардиол билан хайрлашиш ниятида эмас.
20 ёшли футболчи бутун фаолияти давомида Хорватия терма жамоаси сафида ўнта ўйин ўтказиб, битта гол урган. Шунингдек, у ўтган мавсумда "Лейпциг" сафида барча турнирларда 46 та ўйинда майдонга тушиб, 2 та гол урди ва 2 та голли узатмани амалга оширди. Футболчининг клуб билан шартномаси 2026 йилнинг ёзига қадар мўлжалланган.
