"Manchester Siti" "Leypsig" himoyachisi Yoshko Gvardiolni Natan Ake o‘rniga nomzod sifatida ko‘rib chiqmoqda, deb yozmoqda jurnalist Fabrisio Romano o‘z tvitterida.
Avvalroq, "Chelsi" Ake bilan shaxsiy shartnoma shartlarini kelishib olgani va 27 yoshli niderlandiyalik futbolchini sotib olmoqchiligi ma’lum bo‘lgandi.
O‘z navbatida, "Leypsig" rahbariyati Gvardiol bilan xayrlashish niyatida emas.
20 yoshli futbolchi butun faoliyati davomida Xorvatiya terma jamoasi safida o‘nta o‘yin o‘tkazib, bitta gol urgan. Shuningdek, u o‘tgan mavsumda "Leypsig" safida barcha turnirlarda 46 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Futbolchining klub bilan shartnomasi 2026 yilning yoziga qadar mo‘ljallangan.
