Франциянинг “Пари Сен-Жермен” клуби ярим ҳимоячиси Леандро Паредес Англиянинг “Манчестер Юнайтед” клуби қизиқишлари доирасига тушиб қолди.
Манбанинг хабарига кўра, манкунианликлар Паредеснинг трансфери бўйича Париж клубига сўров билан чиқишган. "ПСЖ" аргентиналик ярим ҳимоячини 35 миллион еврога сотишга тайёрлигини маълум қилди, бу эса "Манчестер Юнайтед"га мутлақо тўғри келмади. Клублар ўртасидаги музокаралар тўхтаб қолган.
Ўтган мавсумда 28 ёшли Леандро Паредес парижликлар сафида 22 та ўйинда майдонга тушиб, 1 та гол ва 2 та голли узатмани амалга оширган.
