"Челси" расмийлари "Наполи" ҳимоячиси Калиду Кулибалининг агенти билан музокара бошлади.

Аввалроқ, Лондон клуби футболчи трансфери бўйича Неапол клубининг барча талабларини бажаришга тайёрлиги ҳақида маълумотлар пайдо бўлганди. Кулибалининг шартномаси келаси ёзда тугайди.

Шунингдек, ҳимоячи ҳеч қандай ҳолатда “Ювентус”га ўтмаслиги маълум бўлди, чунки у “Наполи” мухлислари орасида ортиқча ҳаяжон уйғотмоқчи эмас, деб ёзади SportItalia.

Ўтган мавсумда футболчи А Серияда 27 та ўйинда майдонга тушиб, 3 та гол урди ва 3 та голли узатмани амалга оширди.