Журналист Фабрицио Романонинг хабар беришича, "Аякс" АЗ сардори Оуэн Вейндал билан шартнома имзолашга рози бўлди.
22 ёшли чап қанот ҳимоячиси 2027 йилга қадар шартнома имзолайди. Томонлар келишув ҳақида тез орада эълон қилишади.
Ўтган мавсумда Вейндал АЗ сафида барча мусобақаларда 43 та ўйинда майдонга тушиб, 1 та гол урди ва 12 та голли узатмани амалга оширди. У "АЗ Алкмаар" тарбияланувчиси ҳисобланади.
Трансфермаркт портали футболчини 12 миллион еврога баҳоламоқда. Ҳимоячининг клуб билан шартномаси 2024 йилнинг ёзига қадар мўлжалланган.
