The Telegraph нашри хабарига кўра, "Ньюкасл" "Реал Сосьедад" ҳужумчиси Александр Исаакни ўз сафига қўшиб олмоқчи.
Манба берган хабарга кўра, "ҳаккалар" испанлар учун рекорд таклиф тайёрламоқда. "Ньюкасл" 22 ёшли футболчи учун 50 миллион фунт тўлаши мумкин, бу эса уни клуб тарихидаги энг қиммат трансферга айлантиради.
Британияликлар Саудия Арабистонидан янги хўжайинлар келганидан сўнг қишда аллақачон трансфер рекордини янгилаган. "Ньюкасл" "Лион" ярим ҳимоячиси Бруно Гимараэш учун 40 миллион тўлади.
Инглизлар "Реал Сосьедад" раҳбарияти билан эҳтимолий келишув борасида аллақачон боғланишган.
Исак ўтган мавсумда Ла Лиганинг 31 ўйинида 6 та гол урди ва 2 та голли узатмани амалга оширди.
