"Бёрнли" ҳимоячиси Натан Коллинз "Вулверхэмптон"га ўтди. "Бўрилар" сайти хабарига кўра, у янги жамоа билан 5 йиллик шартнома имзолади.
Шартномада шартномани яна бир мавсумга узайтириш имконияти ҳам кўзда тутилган.
"Вулверхэмптон" трансфер нархини ошкор этмади, аммо Transfermarkt уни 24,3 миллион еврога баҳоламоқда.
21 ёшли ирландиялик футболчи ўтган мавсумда "Бёрнли" сафида Премьер-лигада 19 та ўйинда майдонга тушиб, 2 та гол урган.