Журналист Низар Кинселланинг сўзларига кўра, "Челси" сардори Сезар Аспиликуэта раҳбариятга жамоани тарк этиб, "Барселона"га ўтишни истаётганини айтди.

Бироқ "кўклар" бош мураббийи Томас Тухель ҳозирча ҳимоячини Каталония клубига қўйиб юборишдан бош тортди. Мураббий биринчи навбатда "Челси"да бирданига учта янги ҳимоячи билан шартнома имзолашни истайди, шундан сўнг Аспиликуэтани Испанияга қайтиб, "Барселона"га ўтишга рухсат берилади.

Аввалроқ, "Челси" Аспиликуэта учун товон пули сифатида 8 миллион евро талаб қилгани маълум бўлганди. "Барселона" шартномаси тугашига бир йил қолган футболчи учун бундай пул тўлашга тайёр эмаслигини маълум қилди.

32 ёшли испаниялик ўтган мавсумда Лондон клуби сафида 47 та ўйинда майдонга тушиб, 3 та гол урди ва 3 та голга ассистентлик қилди.