Журналист Ферран Корреаснинг твиттерида хабар беришича, "Барселона" келаси ҳафта телевидение ҳуқуқларини сотишдан 320-330 миллион евро олади.
Манбага кўра, бунинг эвазига Каталония клуби "Лидс" ярим ҳимоячиси Рафинья Диас ва шартнома бўйича келишиб олишга яқин турган ҳужумчи Усмон Дембеленинг трансферларини амалга ошириши мумкин бўлади.
Аввалроқ, каталонияликлар молиявий аҳволини мустаҳкамлаш мақсадида телевидение ҳуқуқларининг 25 фоизигача ва атрибутлари бизнесининг деярли 50 фоизини сотишга қарор қилгани хабар қилинганди.