Сенегаллик ҳимоячи Калиду Кулибали "Наполи"ни тарк этиши ҳақидаги миш-мишларга муносабат билдирди. Манбага кўра, футболчининг янги иш жойи Лондоннинг "Челси" жамоаси бўлади.

"Мен ҳозирча ҳеч нарсани аниқлай олмайман, аммо бу янгилик ҳақиқатга ўхшайди", - деди футболчи Daily Mail билан суҳбатда.

Аввалроқ матбуотда “кўклар” ҳимоячининг трансфери борасида келишиб олгани ҳақида хабарлар тарқалган эди. Битим суммаси тахминан 38 миллион еврони ташкил қилади. Кулибали билан 2027 йилнинг ёзига қадар узоқ муддатли шартнома имзоланади.

Калиду ўтган мавсумда “Наполи” сафида барча мусобақаларда 37 та ўйинда майдонга тушиб, 3 та гол урди ва 3 та голли узатмани амалга оширди.