"Челси" келаси ҳафта "Манчестер Сити" ҳимоячиси Натан Акени ортга қайтармоқчи.
Лондонликлар 27 ёшли нидерландиялик футболчининг трансфери бўйича музокараларни давом эттирмоқда, келишув 45 миллион фунтга баҳоланмоқда.
Аввалроқ “Челси” ва Аке шахсий шартнома борасида келишиб олишган бўлса, энди клублар нарх ва трансфер формуласини муҳокама қилишмоқда.
2010 йилда ҳимоячи "Фейеноорд"дан "Челси" академиясига ўтди, аммо "кўклар" сафида ўзини кўрсата олмади. У ижара асосида "Рединг", "Уотфорд" ва "Борнмут" клубларида ўйнаган. Аке "Сити"да 2020 йилдан бери ўйнаб келмоқда.