"Челси" "Манчестер Сити" ҳужумчиси Рахим Стерлингни сотиб олганини эълон қилди. 27 ёшли англиялик билан шартнома 2027 йилгача мўлжалланган.

Аввалроқ, "Челси" футболчи учун 45 миллион фунт тўлаши, трансфер суммаси бонусларни ҳисобга олган ҳолда 55 миллион фунтга кўтарилиши мумкинлиги ҳақида хабар берилганди.

"Ман Сити" таркибида футболчи 2015 йилдан 2022 йилгача ўйнаган. Клуб таркибида ҳужумчи 4 марта Англия чемпионига айланган.

Стерлинг ўтган мавсумда "Манчестер Сити" сафида барча турнирлар доирасида 47 та ўйинда майдонга тушиб, 17 та гол урди ва 9 та голга ассистентлик қилди.