"Челси" "Наполи" билан ҳимоячи Калиду Кулибалининг шартномасини сотиб олиш бўйича келишувга эришди, деб ёзмоқда журналист Фабрицио Романо ўз Twitter саҳифасида.
Битим 40 миллион еврони ташкил қилади. Шахсий шартнома шартларига кўра, Кулибалининг маоши солиқлар тўланганидан кейин йилига 10 миллион еврони ташкил қилади.
Олдинроқ 31 ёшли сенегаллик 2027 йилгача мўлжалланган шартнома имзолаши хабар қилинганди.
Ўтган мавсумда Кулибали неаполликлар сафида 34 та ўйинда майдонга тушиб, 3 та гол урди ва 3 та голга ассистентлик қилди. Ҳимоячининг клуб билан шартномаси 2023 йилнинг 30 июнига қадар амал қилади.
