"Манчестер Юнайтед" раҳбарияти Амстердамга "Аякс" ҳимоячиси Лисандро Мартинес бўйича музокаралар ўтказиш учун етиб келди, деб ёзмоқда журналист Фабрицио Романо.
Манба берган хабарга кўра, инглиз клуби 24 ёшли аргентиналик футболчи билан шахсий шартнома шартларини келишиб олган.
Ўтган ҳафта "Аякс" "Манчестер Юнайтед"нинг 50 миллион евролик таклифини рад этди, аммо музокараларни давом эттиришга тайёр.
Ўтган мавсумда Лисандро амстердамликлар сафида барча мусобақаларда 36 та ўйинда майдонга тушиб, 1 та гол урди ва 4 та голли узатмани амалга оширди. Унинг клуб билан шартномаси 2025 йилнинг 30 июнига қадар амал қилади.
