Чилилик ярим ҳимоячи Артуро Видал расман "Фламенго" сафига қўшилди, деб хабар беради жамоа матбуот хизмати.
У "Атлетико Минейро"га қарши Бразилия кубоги ўйини олдидан мухлисларга таништирилди. Ҳимоячи янги клубида 32-рақам остида ўйнайди.
2021/2022 йилги мавсумда ярим ҳимоячи “Интер” сафида 40 та ўйин ўтказиб, 2 та гол урди, шунингдек, “нерадзуррилар” билан бирга Италия Кубогида ғолиб чиқди. Футболчи Чили терма жамоаси сафида 133 та ўйинда 32 та гол урган.