Аргентина терма жамоаси ва “Аякс” ҳимоячиси Лисандро Мартинес “Манчестер Юнайтед”га ўтишга яқин турибди. Бу ҳақда инсайдер Фабрицио Романо хабар бермоқда.
Қайд этилишича, "Манчестер Юнайтед" футболчи билан шахсий шартнома шартларини келишиб олган. Музокаралар якуний босқичга ўтди, "Юнайтед" вакиллари тўлов учун директорлар кенгашининг якуний розилигини олиш учун Англияга қайтиб келишди. Якуний учрашув 14 июль куни бўлиб ўтади.
Ўтган мавсумда Мартинес Эредивизияда 24 та ўйинда майдонга тушиб, 1 та гол ва 3 та голли узатмага муаллифлик қилган.
