Футбол агенти Роб Сигал испаниялик тажрибали ярим ҳимоячи Хуан Мата фаолиятини Ла Лига клубларидан бирида давом эттириши мумкинлигини айтди.
Сигал CaughtOffside нашрига 34 ёшида ҳам испаниялик футболчи юқори савияда ўйнай олишини айтди. Агентнинг таъкидлашича, "Манчестер Юнайтед"нинг собиқ ярим ҳимоячиси катта эҳтимол билан Испаниянинг қайсидир клубларида, яъни "Атлетико" ёки "Реал"да бўлади.
"Мата ушбу клублардан бирининг тизимига жуда мос тушади" - дея қўшимча қилди Сигал.
Эслатиб ўтамиз, ўтган мавсумда Хуан Мата "Манчестер Юнайтед" таркибида Англия чемпионатида 7 та ўйин ўтказди.