Журналист Фабрицио Романонинг хабар беришича, "Саутгемптон" "Челси" ҳимоячиси Леви Колуиллга қизиқмоқда.

Манбага кўра, “авлиёлар” трансфер бўйича музокараларни тезроқ бошламоқчи.

Шу билан бирга, 19 ёшли англияликнинг “Челси”даги келажаги Лондон клубининг Натан Аке (“Манчестер Сити”) ёки Преснел Кимбембе (“ПСЖ”) билан шартнома имзолашига боғлиқ. “Кўклар” ҳозирча футболчини қўйиб юборишга тайёр эмас, чунки жамоада марказий ҳимоячилар етишмовчилиги бор.

Колуилл “Челси” тарбияланувчиси ҳисобланади. Футболчи ўтган мавсумда "Хаддерсфилд"да ижара асосида ўйнаган ва жамоа сафида 32 ўйинда 2 гол ва 1 голга ассистентлик қилган.

Transfermarkt.com портали Колуиллнинг нархини 5 миллион еврога баҳоламоқда.