"Тоттенхэм" "Вильярреал" ҳимоячиси Первис Эступиньянни сотиб олиш борасида музокаралар олиб бормоқда.
El Periodico Mediterraneo хабарига кўра, 24 ёшли футболчининг шартномаси тўрт йилдан сўнг якунига етади, бироқ "шпорлар" футболчини сотиб олишга қарор қилишмоқда. "Тоттенхэм" бош мураббийи Антонио Конте Эступиньянни ушбу мавсум оралиғида "Севилья"га ижарага берилиши мумкин бўлган Серхио Регилоннинг ўрнида кўрмоқда.
Эквадорлик футболчи айни дамда Трансфермарктда 20 миллион еврога баҳоланмоқда, бироқ лондонликлар ярим ҳимоячи Жованни Ло Челсони “Вильярреал”га таклиф қилиш орқали нархни тушириши мумкин.
