"Ювентус" "Арсенал"нинг бразилиялик ҳимоячиси Габриэл Магальяэсга қизиқиш билдирмоқда.
Хабарларга кўра, Италия клуби бразилияликни трансфер қилиш бўйича таклиф билан чиққан. Турин клуби таркибида у "Бавария"га ўтишга яқин турган нидерландиялик Маттейс де Лигтнинг ўрнини эгаллаши мумкин.
25 ёшли Магальяэс ўтган мавсумда "Арсенал" сафида барча мусобақаларда 39 та ўйинда майдонга тушиб, 5 та гол урди. Унинг клуб билан шартномаси 2025 йилнинг ёзига қадар мўлжалланган.