"Бавария" ҳужумчиси Роберт Левандовски ҳозирча "Челси" ва "ПСЖ" билан музокара ўтказишдан бош тортди, бироқ унинг «Барселона»га ўтиши амалга ошмай қолса, вазият ўзгариши мумкин. Бу ҳақда журналист Адриен Гренье ижтимоий тармоқларда хабар берди.
Эслатиб ўтамиз, Левандовски "Бавария"дан кетишни жуда истамоқда, бу ҳақда у клуб раҳбарияти билан бир неча бор гаплашган. Польшалик ҳужумчи "Барселона"га ўтмоқчи ва каталонияликлар унга уч йиллик шартнома таклиф қилишга тайёр.
"Челси" ва "ПСЖ" вазиятни диққат билан кузатиб бормоқда. Бу клублар энди улар учун "Бавария"га трансфер учун мурожаат қилиш маъносиз эканини тушунишади, лекин Левандовскининг "Барселона"га ўтиши бузилса, ҳаммаси бошқача бўлади.
