Ярим ҳимоячи Жоржиньо Вейналдум "ПСЖ"нинг янги бош мураббийи Кристоф Галтьенинг режаларига киритилмаган, дея хабар беради журналист Маттео Моретто.
"Рома" футболчини 1 мавсум учун ижарага олиши мумкин. Шу билан бирга, "ПСЖ" нидерландиялик ярим ҳимоячига ҳозирги маошининг ярмини тўлаб беради.
2020/21 йилги мавсум охирида футболчи “Ливерпуль”ни текинга тарк этди ва “ПСЖ” билан шартнома имзолади.
Ўтган мавсумда ярим ҳимоячи парижликлар сафида 38 та ўйинда майдонга тушиб, 3 та гол урди ва 2 та голли узатмани амалга оширди. Transfermarkt.com портали футболчининг нархини 18 миллион еврога баҳоламоқда.