"Барселона" спорт директори Матеу Алемани клуб "Манчестер Юнайтед" ўз сафига қўшиб олишни жуда истайдиган ярим ҳимоячи Френки де Йонгни сотишга мажбур эканлигини тан олди.
“Френки жуда муҳим футболчи, биз унга ишонамиз. Бироқ, молиявий фэйр-плей ва Ла Лига бизни кимнидир сотишга мажбур қилишини биламиз. Мен бошқа ҳеч нарса дея олмайман", - дейди Алемани.
Эслатиб ўтамиз, Френки де Йонг "Барселона"ни тарк этишни истамаяпти, гарчи "Манчестер Юнайтед" унинг трансферини 80 миллион еврога келишиб олган бўлса-да. Миш-мишларга кўра, футболчи Каталониядаги ҳаётдан завқланади ва "кўк-анорранглилар" сафида ўйнашда давом этишни истайди.
