"Манчестер Юнайтед"нинг собиқ ярим ҳимоячиси Жесси Лингард келаси ҳафтада янги клуби ҳақида қарор қабул қилишни режалаштирмоқда, деб хабар беради The Athletic.
Манбанинг хабарига кўра, 29 ёшли англиялик футболчи 22 июлдан кечиктирмай қарор қабул қилади.
Хабар қилинишича, футболчи Америка МЛС лигаси клубларининг таклифларини рад этиш ва футболчига йилига 10 миллион фунт тўлашга тайёр бўлган Саудия Арабистонининг номи ошкор этилмаган клубига ўтишга интилмоқда.
Лингард 2021/22-йилги мавсум охирида “Манчестер Юнайтед” билан шартномаси тугаши сабабли эркин агентга айланди. Ўтган мавсумда ярим ҳимоячи "Манчестер Юнайтед" сафида 21 та ўйинда майдонга тушиб, 2 та гол урди ва 1 та голли узатмани амалга оширди.