"Интер" "Торино" ҳимоячиси Глейсон Бремерни ўз сафига қўшиб олишга яқин турибди, дея хабар беради журналист Фабрицио Романо.
Манбага кўра, 18 июль, душанба куни “нерадзуррилар” раҳбарияти Турин клуби вакиллари ва 25 ёшли бразилиялик билан учрашиб, трансфер шартномасини ёпишади ва футболчини тиббий кўрикдан ўтказиш санасини келишиб олишади. Бу кейинги ҳафта амалга оширилиши режалаштирилган.
Маттейс де Лигт жамоани тарк этган тақдирда, "Интер" "Ювентус" билан футболчи учун курашга йўл қўймаслик учун Бремерни тезроқ сотиб олишга ҳаракат қилмоқда.
2021/22 йилги мавсумда Бремер “Торино” сафида 33 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com портали ҳимоячининг нархини 35 миллион еврога баҳоламоқда.
