"Inter" "Torino" himoyachisi Gleyson Bremerni o‘z safiga qo‘shib olishga yaqin turibdi, deya xabar beradi jurnalist Fabrisio Romano.

Manbaga ko‘ra, 18 iyul, dushanba kuni “neradzurrilar” rahbariyati Turin klubi vakillari va 25 yoshli braziliyalik bilan uchrashib, transfer shartnomasini yopishadi va futbolchini tibbiy ko‘rikdan o‘tkazish sanasini kelishib olishadi. Bu keyingi hafta amalga oshirilishi rejalashtirilgan.

Matteys de Ligt jamoani tark etgan taqdirda, "Inter" "Yuventus" bilan futbolchi uchun kurashga yo‘l qo‘ymaslik uchun Bremerni tezroq sotib olishga harakat qilmoqda.

2021/22 yilgi mavsumda Bremer “Torino” safida 33 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt.com portali himoyachining narxini 35 million yevroga baholamoqda.