Аввалроқ “Ростов” билан шартномасини тўхтатган япониялик ярим ҳимоячи Кенто Хашимото фаолиятини “Уэска” жамоасида давом эттиради, деб хабар беради испан клуби расмий сайти.

Ўтган мавсумнинг иккинчи қисмини 28 ёшли Хашимото ҳам Россияда ўтказмади. Ярим ҳимоячи Япониянинг “Висел Кобе” клубида тўп сурган ва у ўйинда 10та ўйин ўтказиб, битта гол урган.

Умуман олганда, япониялик ярим ҳимоячи “Ростов” сафида 30 та учрашув ўтказиб, 8 та гол урди ва 3 та голли узатмани амалга оширди. Футболчи 2020 йилнинг ёзидан буён “жанубликлар”нинг шарафини ҳимоя қилиб келмоқда. Transfermarkt портали Япония терма жамоаси футболчисини 2,2 миллион еврога баҳоламоқда.

"Уэска" Сегундада (Испаниянинг иккинчи дивизиони) ўйнайди.