"Челси" "Севилья" ҳимоячиси Жюл Кундега қизиқиш билдирмоқда. Инглиз клуби футболчи учун 55 миллион евро таклиф қилган, деб хабар беради Sport.es.
23 ёшли франциялик футболчига "Барселона" ҳам даъвогарлик қилмоқда, испан клуби унинг учун камроқ пул таклиф қилган.
Аввалроқ Каталония клуби ҳимоячи учун 45 миллион евро таклиф қилишга, шунингдек, шартномага ўз футболчиларидан бирини киритишга тайёрлиги ҳақида хабар берилганди.
Ўтган мавсумда Кунде "Севилья" сафида барча мусобақаларда 44 ўйинда 3 та гол урди ва 1 та голли узатмани амалга оширди. Ҳимоячининг амалдаги шартномаси 2024 йилгача мўлжалланган.