"Барселона" бош мураббийи Хави 16 июль куни АҚШга бўладиган турнега жамоа билан учишига тўсқинлик қилган маъмурий муаммоларни ҳал қилди.
Barca Universal хабарига кўра, Хави 18 июль куни Америка визасини олади ва 19 июль куни эрталаб Майамига учади. Мураббий жамоани “Интер Майами”га қарши ўртоқлик ўйинига тайёрлашга улгуради.
Аввалроқ, Хави Қатарнинг "Ас-Садд" клуби футболчиси бўлганида Эронга уч бор ташриф буюргани учун АҚШ расмийлари ундан қўшимча ҳужжатлар талаб қилгани хабар қилинганди. АҚШ ҳукумати терроризм ҳомийси деб ҳисоблаган Эрон билан расмий дипломатик алоқаларга эга эмас.
