Ҳуқуқлари Донецкнинг "Шахтёр» клубига тегишли бўлган украиналик дарвозабон Анатолий Трубинга Европада талаб катта. Бу ҳақда Score.fr. сайти хабар берди.
Манбага кўра, дарвозабоннинг трансферига Франциянинг "Марсель" клуби қизиқиш билдирмоқда. Провансликлар яқинда жамоани тарк этган Стив Мандандага ўринбосар қидирмоқда.
20 ёшли украиналик футболчининг трансфер нархи саккиз миллион еврога баҳоланмоқда. Трубиннинг "кончилар" билан амалдаги шартномаси 2024 йилнинг ўрталарига қадар амал қилади.
Украина Премьер-лигасининг ўтган мавсумида Анатолий 12 та ўйин ўтказиб, 8 та гол ўтказиб юборган.
