Ҳуқуқлари Берлиннинг "Герта" клубига тегишли бўлган польшалик ҳужумчи Кшиштоф Пёнтек Италия А Сериясига қайтиши мумкин. Бу ҳақда ижтимоий тармоқларда журналист Николо Скира хабар бермоқда.
Инсайдер хабарига кўра, 27 ёшли футболчининг хизматларига А Сериянинг исмлари ошкор этилмаган икки вакили қизиқиш билдирмоқда.
Кшиштоф ўтган мавсумнинг иккинчи қисмини "Фиорентина"да ижарада ўтказди. У "бинафшалар" сафида 18 та ўйин ўтказиб, 6 та гол урган. Бунгача у А Серияда “Милан” ва “Женоа” жамоаларида ўйнаган.
Польшалик футболчининг бозор қиймати 12 миллион еврога баҳоланмоқда.
