"Кристал Пэлас" бош мураббийи Патрик Виейра ярим ҳимоячи Конор Галлахернинг жамоага қайтиши мумкинлиги ҳақидаги саволга салбий муносабат билдирди.
"Айни дамда унинг қайтиш имконияти йўқ деб ўйлайман. У "Челси" футболчиси. У ерда мавсумолди машғулотларини ўтказмоқда. Ростини айтсам, унга энг яхши тилакларни тилаймиз”, - деди Виейра.
Ўтган мавсумда, "Кристал Пэлас"да ижара асосида Галлахер жамоанинг энг яхши футболчиси деб топилганди. Унинг ўйини Англия терма жамоаси бош мураббийи Гарет Саутгейтнинг эътиборини тортди.
Премьер-лигада у 34 та ўйинда майдонга тушиб, 8 та гол урди ва 3 та голга ассистентлик қилди.
