"Барселона" ҳужумчиси Мемфис Депай АПЛга қайтишни истамаяпти, деб хабар беради Sport.es.
Олдинроқ 28 ёшли нидерландиялик футболчини "Тоттенхэм" ўз сафига қўшиб олмоқчи эканлиги маълум бўлганди. "Барселона" агар 20 миллион евролик таклиф тушса, ҳужумчи билан хайрлашишга тайёр.
Депай 2015 йилнинг июлидан 2017 йилнинг январигача Англияда "Манчестер Юнайтед"да ўйнаган.
Ўтган мавсумда футболчи "Барселона" сафида барча мусобақаларда 37 та ўйинда 13 та гол урди ва 2 та голли узатмани амалга оширди. Transfermarkt.com портали футболчининг нархини 35 миллион еврога баҳоламоқда.