19 июль куни "Бавария" ўзининг расмий сайтида "Ювентус" ҳимоячиси Маттейс де Лигтнинг трансфери ҳақида эълон қилди. Футболчи немис клуби билан 2027 йилнинг 30 июнига қадар шартнома имзолаган.
Аввалроқ, Де Лигтни сотиб олиш "Бавария"га бонусларни ҳисобга олмаганда 70 миллион еврога тушиши хабар қилинганди.
Ўтган мавсумда 22 ёшли ҳимоячи "Ювентус" сафида барча турнирларда 42 ўйинда майдонга тушиб, 3 та гол урди ва 1 та голли узатмани амалга оширди.