"Манчестер Юнайтед" ҳужумчиси Криштиану Роналду янги клуб излашда давом этмоқда.
Хабарларга кўра, Роналду Чемпионлар лигасида ўйнайдиган жамоа қидирмоқда. Бироқ португалиялик ҳужумчи “Реал”га қайтмаслиги қайд этилган. "Қироллик клуби" Роналдунинг қайтишидан манфаатдор эмас.
Эслатиб ўтамиз, Роналду 2009 йилдан 2018 йилгача "Реал"да ўйнаган, шундан сўнг "Ювентус"га ўтган ва у ерда 2021 йилгача ўйнаган. Ўша йили португалиялик ҳужумчи "Манчестер Юнайтед"га ўтди.
Унинг клуб билан шартномаси 2023 йилгача мўлжалланган. Ўтган мавсумда Роналду "Манчестер Юнайтед" сафида барча мусобақаларда 38 та ўйин ўтказиб, 24 та гол урди ва 3 та голли узатмани амалга оширди.
